koi aur hi shararat karli hoti

jhuti hi sahi
mohobbat to di hoti

thodi hi sahi
inaayat to ki hoti

lut gya tha jab main
thodi to rehmat ki hoti

kya milta hai ye sab karke
kabhi to ishq ko chahat di hoti

pata nahi hum bhi kyu kr bethte hai baar baar tumse pyaar
isse acha to koi aur hi shararat karli hoti

sab kuch diya tumpe humne waar

teri hukumat ko
samajh bethe hum pyaar

bhul ho gyi ki
kar bethe tujhse ikraar

na jaane kab honge hum tere kaabil
kab band kroge tum apne ye waar

kaisi hai ye zindgi
na reh gya hai kuch iska saar

hakeekat hai ya hai sab kuch anjaan
nahi judta kisi bhi aalam se taar

kya kare hum rehke is duniya me
jab sab kuch diya tumpe humne waar

dil to haar gya..

unko samajhte samajhte
main aaj khud ko haar gya

zindgi to jee
par sab kuch waar gya

tohfon me ye aansuo ki daulat mili
aur gum chaa gya

dimag to kehta rha
ki jeena a gya

par hume pata hai
ki ye dil to haar gya..!!

waade kiya karte the

tere pyaar me hum kya kya kiya krte the,
kya tujhe pata hai hum kaise jiyaa karte the??

tune to lut li humari zameen
kya tuje pata hai hum kaisa sambhala karte the??

kya milta hai aise reh kar
kya milta hai ye sab kar kar
batade aaj hume
kya hum tere sath itna bura kiya karte the??

kya tuje pata hai
tere pyaaar me hum jiya mara karte the
fir bhi thokro ki bauchar kar
saare ilzaam humaare sar chadaa karte the

thak chuke hai hum in aandhiyo toofan se
kya tum itna bhi bhul gye
tum humare sath humesha rehne ke
waade kiya karte the??

jo hua karti thi kabhi...

yehi sochta hu kabhi kabhi,
tujhse mohobbat kyu ki kabhi,
tujko chahat kyu di kabhi,
aur fir wafaayein maangi kyu kabhi.

un sitamo se kyu hua roobaru kabhi,
fir lautkar us raah pe
kyu hua tanha kabhi.

aag me jalta raha fir bhi main chalta raha
tujko paane k liye kabhi,
us mohobbat ke khatir
jo mere dil me basti thi kabhi.

aaj samaa kuch aur hai
raahein bhi kuch aur hai
par is dil ki hasratein aaj bhi wohi hai
jo hua karti thi kabhi...!!