mera aks...!!!

kya chahat thi meri
kya wafa thi meri
kya zindgi thi meri

mila tha muje tu
ek pyaara sa dost banke

jud gya mujhse tu
ek pyaari si chahat banke

kya dekha maine tujhme
jo mere liye sabse keemti ban gya tu

wafa maine saari tere naam kardi
ye dil bhi maine tere nam kar dia
bachi thi ye zindgi wo bhi tere naam kardi

fir bhi na jaane kyu hu main pareshan
bhaag rha hu apne se ya bhaag rha hu tujhse

door kahi jaane ko jee karta hai
kisi ko apna na banane ka jee krta hai

aj ye zindgi khud k liye jeene ka mann karta hai
par khud k liye jiyunga to tera naam khud hi yaad a jaata hai

kaisa hai ye pyaar
jo kar rha hai mujhe bekaraar

kaisa hai ye pyaar
jo paake bhi main gya haar

kyu hai sab aisa
ki lagta hai sab tujh jaisa

kya kashish hai ye
kya aalam hai ye

kya waqt hai ye
aur kya chahat hai ye

jo khud k liye bhi sochke
tera hi naam labon pe aata hai

kyu baar baar haar ke bhi
ye dil tujhse jeetne ki umeed laga leta hai

aur kyu har baar takraar k baad
ek naye din ka naye tareeke se shuruat karta hai

kya main tujhse darta hu
ya main tujhpe itna marta hu

jo sab kuch haarke bhi
ye dil tujhpe nisaar karta hu

dost thi tu meri
chahat ban gyi fir tu meri

wafa thi tu meri
pyaar ban gyi fir tu meri

ishq karta hu tujhse
aur karta rahunga

humesha marta raha hu tujhpe
aur marta rahunga

tu bhi karti hai ishq mujhse meri jaan
par kya karu is dil ki chahte tujhse hai kahi zyada

aur wo chahte tere dil me bhi dekhna chahta hu

ishq ki wo aag jo hai mere seene me
wo main tere rooh me bhi dekhna chahta hu

tujhse nahi karna chahta main koi shikayat
na hi main tujhe dena chahta hu koi dukh

tu bol agar tujhe mujhse hai koi shikayat
sab door karke de dunga main tujhe duniya ke saare sukh

mujse kabhi koi khata hui ho to maaf kar dena
meri saari galtiyo ko bhul samajhke bhula dena

par tujhse main ek hi umeed rakhta hu
dil kare kabhi to jagana apne dil me bhi wo khwahishe
jise dekhne ke liye main pal pal marta hu

jise chahne ke liye main har pal marta hu

jaanta hu tu hai auro se bohot alag
par fir bhi tujhse umeed lagaye baitha hu

main gareeb ki basti k bahr daulat ki aas lagaye baitha hu

jaata hu main jidhar bhi
paata hu tujhko hi

kya karu main tu bata mujhko
har waqt ye nazre dekhti hai tujhko hi

sota hu main to teri yaad ati hai
aake is dil ko bada tadpaati hai

jaagta hu main subah ko
to sath teri parchayi bhi a jaati hai

chalta hu main kahi
to firse teri yaad a jaati hai

akela paata hu apne aap ko har raah me
kyuki is zindgi me teri kami mehsus hoti hai

maanta hu chahta hu tujhko bepanah
intezaar kar sakta hu tere liye har lamha

par mere bhi kuch armaan hai
meri bhi kuch khwahishe hai

mere bhi kuch khwab hai
meri bhi kuch umeede hai

unko tu kabhi samajh zara
unko tu kabhi dekh zara

dekh meri aankho me
kya dikhayi deta hai

sun meri dhadkan ko
kya sunaayi deta hai

aankho me tera chehra rehta hai
aur dhadkan me teri yaad rehti hai

ae jaane jaan tu hi bata
kaise main khud k liye jiyu

kaise main kuch umeed na karu tujhse
jab tu judaa hai kuch aise mujhse

main apne aks ko dhundne bethta hu
to wo tujhme hi nazar aata hai

main apni chahte sochne bethta hu
to tera hi chehra nazar aata hai

kya hai ye
kyu hai ye
sirf itna batade tu

ye aks mujhko mera dede
nahi to humesha ke liye gale se lagale tu
mere saare armaan pure karde tu

jaise maine tod dia hai har bandhan pyaar k liye
us tarah chod de sab kuch mere liye tu
chahat kar mujhse bepanah
aur har lamha bas mere liye jee tu...!!!