kya fark hai un logon me aur hum me..!!

log khushi aur dukh me antar kar
agey bhad jaate hai,
hum dukh dekh
usi pe latak jaate hai,

log haste haste jeevan
vyateet krna chahte hai,
hum jeevan ki gehraiyo me se
pehle gum nikaalke fekna chahte hai

log vyakul hokar bhi
dikhana nahi chahte,
hum to seedha apne mann ki baat
likh prakat karte hai

log ghumte hai firte hai
dosto pe marte hai,
hume to duniya se hi fursat nahi
duniya k liye khud ka bhi tyaag krte hai


log bas apne dukho ko
dusro k saamne rote hai,
hum to apne dukho se aapke dukho ka
andaaza laga bethte hai


log aapse dosti k badle
kuch to aasha rakhte hai,
hum to sabse dosti karte hai


aur bas yehi aasha karte hai
ki aap humari likhi panktiya pada kare
isiliye hi to hum
mehnet kiya karte hai

yehi farak hai logon me aur hum likhne walon me
wo khudaa se roz raat apni bhalaayi maangte hai,
aur hum sabki khushi
maanga karte hai...!!

guzar chuka hu in pyaar bhari maaro aur dard bhari haaro se...!!

khuda ki khudayi se waakif hu main,
duniya ki in rasmo se bhi wakif hu main,

waakif hu main,
is chahat bhare dikhawe se,
is khone se
is paane se,
is mehfil bhari duniya me
bhare hue gum se,
to shamshan bani raato ke
kisi ke dard se,
roothne ke us andaaz se
manane ke us pyaar se,
haste hue karne waale us waar se
to khone wale us khumaar se,
kaam nikalwane wale us yaar se
kum baat krne wale sache pyaar se,
madad na maangne par bhi
madad krne walo se,
aur dekh kar bhi andekha karne wale
un andho se,
duniya ki maar se
jeevan ki us haar se,

sirf likhta nahi hu
kavi hu main bhi
guzar chuka hu in
pyaar bhari maaro
aur dard bhari haaro se...!!

kabhi apne me, to kabhi tujse hi jee liya karte hai...!!

kabhi teri yaad me,
to kabhi teri har ek baat me,

kabhi tere saath me,
to kabhi teri chahat me,

kabhi tere adhro se,
to kabhi teri naazuk kaliyo se,

kabhi tere vyakul chehre se,
to kabhi khilkhilahat se,

kabhi roothne me aur us gusse me,
to kabhi tere pyaar me,

kabhi tere jhoote sach me,
to kabhi us sache jhoot me,

kabhi bacho wali harkato se,
to kabhi bethkar samjhaane me

hum doob jaaya krte hai

kya bataaye tujko
kabhi aadha jeevan apne me
to kabhi tujse hi
jee liya karte hai...!!

yaad me teri ye sab hone ko hai...

shayad hawa chalne ko hai,
shayad wohi shaam dhalne ko hai,
shayad koi kinaara choothne ko hai,
to shayad koi armaan machalne ko hai,
shayad dil me fir wohi baat khalne ko hai,
kyu roop ka maara firhe dil yha waha
kyu jaan se haara chupe ye yha waha
haar betha isko aaj
kya bataau tumhe jisko banaya tha humne saath milke
shaayad wohi nishaan mitne ko hai..!!

shaayad samaa jalne ko hai,
shaayad umar dhalne ko hai,
shaayad koi jaam choothne ko hai,
to shaayad koi raat machalne ko hai,
shayad dil me wohi baat khalne ko hai
jisse tha dar
wohi raaz uchalne ko hai...!!

utha utha rehta tha raato me jiski yaado me
aaj wohi yaad bhigadne ko hai,
fir bhi mazaaa to ishq ki raah me chalne ko hai,
koi kya samjhayega muje dard aur ishq kya hai
dono ko kareeb se mene dekha hai
kal the ye judaa judaa
aur aaj milne ko hai...!!


khafaa the jo humse
aaj wohi tayar sath chalne ko hai,
kaisi hai ye rut
sab kuch isme milne ko hai,
ghataa baras sab dhalne ko hai,
ab to is registaan se,
meri ishq ki dhaara nikalne ko hai,


khudaa bhi muje khush dekh
koi chaal chalne ko hai,
kyuki ye jazbaat kahin sambhalne to hai,
kadam fir rukne ko hai,
aur meri aankhon se
ashq behene ko hai...!!!

yaad me teri ye sab hone ko hai..!!