diL ki MeMoRy (thodi hasi thodi nami)

kyu banke interrupt laati hai meri aankhon me nami
main ban gya hu tera programmed input output
tu ban gyi hai meri direct memory

swap krta hu main tuje jaise taise
par baar baar page fault maarke
kyu a jaati hai in my main memory

na main krta demand paging
na main mangta segmentation
fir kyu ake kr deti hai frustration in my cache memory

tujhe bhulana chaha jaise taise
par saare buffers me tujko paya
yaha tak ki tu hi hai in my system's virtual memory

kr diye maine saare jugaad jaise taise
lagayi maine bhi up to date protection and security
par fir bhi tu malware banke
bas gyi in my dil ki memory....!!
dil ki memory...!!

kabhi kabhi

tumhari tasveerein dimag aur dil me
kuch yaadein jaga deti hai kabhi kabhi,
haste rehte hai hum bhale hi sabko dikhane k liye par
rote hum bhi hai kabhi kabhi,
nafrate hai bohot maante hai dil me par
pyaar hum bhi krte hai kabhi kabhi,
zikra nahi krna aata tumhare saamne kuch par
izhaar krna chahte hai hum bhi kabhi kabhi...!!

kya din the wo

kya din the wo jab toffiya khazana hua krti thi
maa sabse pyaari laga krti thi
aur papa sbse ache dost hua krte the..
aaj yaad ata hai wo sab kuch
aaj paison se tola jaata hai khazana
itna chota ho gya hai ye jahan
pyaar nafrato me badal gya hai
aur sacha dost paane k liye ye dil tadap gya hai...!!

tere liye humesha...

karta raha gard-e-raah-e-safar main ansuon bhara humesha
afreet ki is kashti me tairta raha humesha

chahta tha main bhi shaadaabiyaan
par ho jaata tha majrooh humesha

kuch na pata tha
par chahta raha usey humesha

bhulna chaha mitana chaha
par basi rahi wo mere dil me humesha

socha usko shor-e-aah-o-bukaa du
fir laga usko kyu saza du jo wo mujhe deti rahi humehsa

fir hua kuch chamatkar ek din
jiski aasha krta tha main humesha

wo aayi mere paas
aur kaha rahungi tere sath humesha

main tha khush
kyuki ho gya tha wo jo chahta tha main humesha

par kya pata tha aisa bhi hoga
zulmat-afshaaN ayega zindgi me humesha

wo tadpaati rahi
main tadapta raha humesha

wo rulaati rahi
main rota raha humesha

zinda rehke bhi
marta raha mann hi mann humesha

bolna chaha usse bohot kuch
par uski khushi k liye chup ho gya humesha

na jaane kya hoga mera
par pyaar krta rahunga usey humesha

meri tameer khwahishe thukraa degi wo
tab bhi usse khwahishe rakhunga humesha

anjaane me hi sahi bhuladegi agar muje
main yaad usko fir bhi krta rahunga humesha

todti rahegi meri umeedo ko agar har baar
fir bhi main umeede rakhunga humesha...
chahunga tujhe humesha..

zanjeer-e-mahkoomiyat me bhi bandha raha
to bhi tere khwab me aunga main humesha...!!

aur krta rahunga tere liye muntazir humesha..!!

to batade kya galat kiya...

betha betha aaj akela ye sochta hu
ki jeeta raha dusro k liye har pal
aaj apne liye jee liya kuch pal
to batade kya galat kia

chalta chalta is raah pe aaj akela ye sochta hu
ki deta raah humesha usko sath jisko thi meri zarurat
aaj uske sath chal pada jiski thi mere dil ko zarurat
to batade kya galat kiya

sote sote aaj akele ye sochta hu
ki humesha usko sulaya jisne muje apne paas bulaya
aaj maine kisi ko sone k liye apne paas bulaya
to batade kya galat kiya

band chaar deewari me aaj akele ye sochta hu
ki humesha dusro pe hi lutaya
aaj apne pe kharch kar liya
to batade kya galat kiya

pyaar ki is raah pe aaj akele ye sochta hu
humesha usko hi to pyaar kiya jabki badle me kuch na paaya
aaj do pal k liye agar dagmaga bhi gya
to batade kya galat kiya

is aalam me aaj akele ye sochta hu
is duniya me humesha logon ne mera istemaal kia
agar aaj maine kisi ko thukraa dia
to batade kya galat kiya

tadapta hua aaj akele ye sochta hu
humne humesha chahat ki unse bina kuch paye
aaj humne bhi chahate tyaag di
to batade kya galat kiya

intezaar krta hua aaj akele ye sochta hu
usne muje itna waqt intezaar krwaya
aaj agar maine usey do pal intezaar kra diya
to batade kya galat kiya

is andheri raat me aaj akele ye sochta hu
usne thukraya mere pyaar ko baar baar
maine kisi aur se pyaar jata diya
to batade kya galat kiya

bas aaj akela yuhi sochta hu
ki kya tha main aur kya ban gya hu
thoda apne liye bhi jeene k liye sochta hu
to batade kya galat kiya

na jaane kaisi thi uski hasti
ki doob gyi meri behti hui kashti
sooni ho gyi har ek wo raah jisme thi masti
aur soona ho gya mera dil ka aangan jisme thi wo basti..
aaj meri tadap muji pe hai hasti
aur kehti hai waqt hai aaj bhi bachale apni kashti

par main to aaj bhi akela betha ye sochta hu
us pathar dil ne muje bi pathar dil bana diya
aaj usne muje bhi pyaar ka matlab bhulwa diya
muje bhi pyaar ka matlab bhulwa diya...
bas yuhi sochta hu
yuhi sochta hu....!!

sochta hi to hu.. to batade kya galat kiya..!!

dil ke jazbaat...

kuch dil k jazbaat aaj bahr nikalna chahte hai
to socha kuch likh deta hu...

kya kahu main kisi aur se
jab tu hi mujko na samaj paaya
paas rehke bhi maine humesha tujko door paaya
jalta raha teri yaado me par tuje bhool na paaya
ruswa hua lut gya barbaad hua
par mila na muje tera saaya
khali hath main ishq k raste pe laut aya
par jab dekha tuje kisi aur k sath dil me bohot dard samaaya
toot gya ye jaam ishq ka aur dil ko rone se rok na paaya
tujse to kuch keh na paaya
par main bi galtiya kar aaya
mushkil tha apne aap ko sambhalna
to yehi raasta mila to ispe hi chal aaya
dekhte rahe sab mere galat kaamo ko
dil me chupe dard ko koi na jaan paaya
jaan chali gyi meri tuje chahte chahte
par tu fir bhi na muje samaj paaya
duniya ki rasmo pe bhi main khara nahi utar paaya
jab tune thaama mera hath tab bhi main tera ho na paaya
tab bhi log kehte rhe tu nahi hai uske layak
kyuki tu nahi kr skta wo jo usne hai kr dikhlaya
maine chup chaap khada hua muskurata raha
ruswa hua tha aaj tak bhari ishq ki mehfil me
to aj kya fikar jo duniya walo ne hi ruswa kr dikhlaya
kho gya main apne pyaar me
doob gya main apne yaar me
par ek kami mehsus hui
apne liye main kuch bacha hi nahi paaya
sab kuch uske hawale kr dia tha
aur wo humesha mazak me leta raha har baat ko
har jazbaat ko aur har mulakaat ko
aur ek main tha jo tadapta raha yaad krke
un baato jazbaato aur mulakaato ko
kya karta kya na karta kuch na samaj aya
usse waada kia tha nahi honga khafa kabhi tujse
to socha chalo ye to nibha paaya

par duniya ki nazar me to main kuch na kar paaya
wo bhi manzur hai
dukh to is baat ka hai
uski nazar me aaj bhi main na jagmagaya...!!!