karz hai meri zindgi tere pyaar ki...

hasna chahta hu main khulke,
par has nahi paata hu,
jeena chahta hu main milke,
par jee nahi paata hu,
pyaar karna chahta hu tumse har dum,
par tumhari baate sunkar izhaar nahi kr paata hu,
bhul jaane ki koshish bi krta hu kabhi,
to tumhe bhul nahi paata hu,
karz hai meri zindgi tere pyaar ki,
isliye main mar bhi nahi paata hu...!!!

sacha pyaar hai mera

kasam hai tujhe meri ki is raat me mere paas na aana,
aake mere dil se lag na jaana,
kyuki jaogi jab tum reh jayegi tumhari yaad,
kya krunga tumhari yaad ka jab tum na hogi sath,
nain tarsenge aansu barsenge royega ye dil,
par hum na tujhse payenge mil,
kya hai ye aisa kyu hai ye,
ehsaan hai tera ya jazba hai mera,
par jo bhi hai sacha pyaar hai mera...!!

tumne na jaana..!!

roye honge wo bhi humari yaad me kabhi
par hum jaisa aitbaar na kar paaye honge
chahte to hongi unke mann me bhi zarur
par hum jaisa pyaar na kar paaye honge

aashiqui unhone bhi samjhi hogi
deewangi wo bhi jaante honge
par pyaar me hum bohot kuch seh chuke hai
ye baat wo abhi abhi maante nahi honge

hoga unki aankho me bhi kisi k liye jhalakta pyaar
wo bhi kabhi chupaate honge
par humare pyaar ko dekh kar
wo aaj bhi apni aankhe jhukate honge...!!!

dil tujko bula raha hai..

kashish hai kuch to is aalam me jo ye muje tumse mila raha hai,
raat ke is andher me bhi ye mujko tera chehra dikha raha hai,
bandish hai ye ya pyaar hai tera,
jo mujko tera muskurata hua chehra nazar a raha hai,
na main hu tere kareeb na tu mere kareeb,
fir bhi aaj is hawa me ajab sa nasha chaa raha hai...!!
aur ye tanha dil tujko apne paas bula raha hai..!!

yaad na aaye..

shikayat ye nahi ki us raat wo humse milne na aaye,
hum to bas ye chahte the ki unke bin koi naya din na aye,
ab jab naya din aa hi chuka hai betha hu is guzarish me us khuda se,
rehmat hogi uski agar is naye din me uski yaad na aaye...!!!

unki yaad..!!

satate hai hume wo rulate bhi hai,
rulake fir wo hume hasate bhi hai,
karte hai bohot kuch humare liye,
par humesha sitam deke jaate bhi hai...

unke diye kuch lamhein bhulayi nahi jaate,
kuch ansu chupaaye nahi jaate,
pee to lete hai unki yaad me hum ye jaam,
par fir bi kambhakat ye gum bhulaye nahi jaate..!!!

ye dil tujhpe waar dia

meri chahto ne tujhse khafa hona chodd dia,
mere dil ne bhi tujhse gila karna chodd dia,
reh gyi hai is dil me teri yaadein...
par tujhse shikaayat karna humne chodd dia,
maana ki bohot kuch hai aj kehne ko
par tere pyaar me humne kehna chodd dia,
dekha aj apne aap ko to pata chala
ki sab kuch tujhpe luta dia,
par fir bi koi gum nahi kyuki
sacha pyaar kia hai tujhse isliye
sab kuch tujhpe fanaa kar dia,
maine to apna aks bhi tere liye tyaag dia,
aur aj fakr se kehta hu
ki ye dil tujhpe waar dia...
ye dil tujhpe waar dia...!!!

tere bina

mushkil hai jeena mera tere bina,
mushkil hai marna bhi mera tere bina,
dil me to tujhko basa liya hai,
par mushkil hai is dil me pyaar basaana tere bina..!!

ye dil tere bina jeena nahi jaanta hai

aankho se ansu baras jaata hai,
jab tujhe dekhne k liye ye dil taras jaata hai,
kehta hai har ek aalam ruk kar ki ye dil tujhe bohot chahta hai,
tujhse milne ki khwahish ye har pal jagaata hai,
mil jaye tu to theek warna jaise taise ye apne aap ko manaata hai,
kabhi tujhse ruthta hai,
to kabhi apne aap ko sambhal leta hai,
aur kabhi kabhi apni khwahishe daba leta hai,
teri chahat me firse ye uthta hai,
ek nayi khwahish lekar ye ghar se nikalta hai,
kabhi kabhi darta hai,
tere bina ye dagmag dagmag karta hai,
tujhse puchna chahta hai ye kuch sawaal
ki kyu tu isey itna satata hai,
khata hai kya ye is dil ki ki ye tere liye itna pyaar jatata hai,
tere liye ye sab kuch bhulata hai,
tere liye ye sabko nakaarta hai,
is dil ke pyaar ko dekh kar baadal bhi baras jaata hai,
suraj bhi thandi hawa ke sath aata hai,
allah bhi ro jaata hai,
ye dil to hai paagal tere pyaar me
is hawa ko chookar tere paas bhejta hai,
aur us hawa ko tu chookar wapas bheje iske liye uska intezar karta hai,
ye dil to bas jeene marne ki kasam tere sath khaata hai,
aur ye jaanle tu ae meri jaan ki ye dil tere bina jeena nahi jaanta hai...!!
jeena nahi jaanta hai...!!

rehmat ho teri

aankhon me aansu hain ya chahat hai teri,
jo bi hai par is dil ki saari wafa hai teri,
kabhi tujhe gum diya ho to khata hai meri,
par chahta hu tujko bepanah yehi dil ki aawaz hai meri,
tere sath bitaaye kuch khas pal ye achi kismat hai meri,
ae khuda shiddat se chaha hai is ladki ko maine
mil jaye ye to rehmat ho teri...!!!

pyaar- ek nasha..!!

pyaar ki main kadar krta hu,
tahe dil se isey main tumpe ada karta hu,

isi me main apni zindgi bitaya krta hu,
isme hi main apni saari chahat dikhaya krta hu,
aur isi me main khudayi ada kiya karta hu.

subah uthte hi usey yaad karta hu,
allah se pehle uska dhyan karta hu,
aur maa baap se zyada uski kadar karta hu.

bewajah maafi bhi maanga krta hu,
kabhi kabhi bina baat has diya karta hu,
kabhi chup rehke uski sun liya karta hu,
aur kabhi uski sunder aankhein pad liya karta hu.

kabhi dard seh liya karta hu,
to kabhi khushiyan uske sath baant liya karta hu.

kabhi akele muskura leta hu,
to kabhi milke ro liya karta hu.

kabhi apni baato ko daba liya karta hu
to kabhi uski baato pe jal jaaya karta hu.

par ishq ke liye sab kuch karta hu,
kabhi kabhi to iski pooja kar liya karta hu.

aur agar nasha bhi karta hu,
aur agar nasha bhi karta hu,
to ishq ka subah sham jaam pee liya karta hu...

tum kya sochti ho main dur rehker kuch karta nahi,
pyaar paas rehkar paane ka naam hota to baat hi kya thi,
ye to main dur rehker bhi tumse har lamha karta hu...!!!

Mere Jaisa koi dusra nahi...!!

sab kuch badal sakta hai is duniya me
par tere liye meri chahat nahi

sab kuch khatm ho sakta hai is jeevan me
par tere liye jo aag hai mere dil me wo nahi

sab kuch ruk sakta hai is pal me
par tera naam lene waali ye saansein nahi

sab kuch toot sakta hai is ghadi
par tera mera ye naata nahi

sab kuch kho sakta hai is toofan me
par tu nahi

har koi ruth sakta hai is andhkaar me
par MERA AKS nahi

kyuki sab kuch ho sakta hai maujud tere liye is duniya me
par mere jaisa koi dusra nahi... koi dusra nahi...!!

ye mujhko batlade tu...!!!

bhad rha hu agey ya bhatak rha hu path se
chal rha hu manzil ki oor ya ruk gya hu darke usse
kar rha hu pyaar ya chala rha hu zindgi adhikar se
chahat hai meri bewajah ya hai ye dil se
hai sukh bi jeevan me ya milega bas dukh hi isse
chal kapat hai jeevan me ya milega kuch sachai se
dikhava hi hai duniya me ya haasil hai kuch saadhgi se
samjhega wo muje kabhi ya mar jaunga uski chahat me aise
ye mujko batlade tu

ae khuda ye mujko batlade tu

zindgi hai bewafa magar tu bewafa ho sakta hai kaise
ye mujko batlade tu

kyu hai itna dard zindgi me
ye mujko batlade tu

kya hai iska ilaaj
ye mujko batlade tu

dhund rha hu jis sukh k pyaale ko
aj mujko wo dikhlaade tu

ek din..!!

dil mera bhi hai,
dard muje bi hota hai.
rota main bi hu,
ansu mere bi nikalte hai.
khwahishe meri bi hai,
par chupa kabhi main bi leta hu.
dil me bolne k liye to hai bohot kuch,
dikhana main bi kabhi chahta hu.
pyaar tume main bohot krta hu,
waqt tumhare sath main bi bitaana chahta hu.
chahte kabhi to suno meri,
main bi tumpe apna haq jataana chahta hu.
dil se tujhe yaad krta hu har pal,
tere sath har lamha rehne ki tamanna puri krna chahta hu.
pyaar hai tere liye is dil me bepanah,
kabi main bi apne liye aisa pyar dekhna chahta hu.
par shayad main tere layak nahi hu,
isliye ek din tere layak banna chahta hu...
ek din tujhse ye sab bolna chahta hu...
ek din tujhe apna dil me chupa pyaar dikhana chahta hu...
aashiq hu tera aur tere liye hi marnaa chahta hu...
aur marte marte sab kuch tere liye chorr jana chahta hu!!